റോമിയോ[ Romeoo]

Movie : Romeo
Director : Rafi and Mecartin

Producer : Shafi

Script : Rafi - Mekkartin
Music : AlexPaul
Cast : Dileep,Samvrutha,VimalaRaman, Shruthi

ഒരു TV അഭിമുഖത്തില്‍ രാജസേനന്‍ ഈ സിനിമയെ പറ്റി പരാമര്‍ശിക്കുന്നത് കേട്ടിരുന്നു, ദിലീപിന്‍റെ ഡേറ്റ് കിട്ടിയ ശേഷം ആണ് കഥ ആലോചിച്ചു തുടങ്ങിയതെന്ന്!. അതിന്‍റെ ഒരു പോരായ്മ ഈ സിനിമയ്ക്കു ഉണ്ട്. രാജസേനന്‍റെ സമീപകാല ചിത്രങ്ങള്‍ വളരെ മോശം ആയിരുന്നെങ്കിലും, റാഫി-മെക്കാര്‍ട്ടിന്‍ ടീം ആയി വീണ്ടും ചേരുന്നത് പ്രതീക്ഷ ഉയര്‍ത്തിയിരുന്നു. പക്ഷെ തിരക്കഥ കുറച്ചു കൂടെ strong ആകേണ്ടിയിരുന്നു. മനുവിനെ (ദിലീപ്) മൂന്നു പെണ്‍കുട്ടികള്‍( വിമല രാമന്‍, സംവൃത, ശ്രുതി ലക്ഷ്മി ) ഇഷ്ടപ്പെടുന്നതും കല്യാണം കഴിക്കാന്‍ ആഗ്രഹിക്കുന്നതും ആണ് കഥ. എന്നാല്‍ മനു ഇതില്‍ ആരെയാണ്‌ കല്യാണം കഴിക്കുക എന്ന്, സിനിമ പകുതി വഴി എത്തുമ്പോള്‍ തന്നെ, നമുക്കു മനസ്സിലാകും, അവസാനം എങ്ങിനെയായിരിക്കുമെന്നും...

ഇതില്‍ എമ്പാടും ഉള്ള one liners തീയറ്ററില്‍ ചിരി ഉണര്‍ത്തുന്നുണ്ട് . സുരാജ് വെഞ്ഞാരമൂടിനെ സംവിധായകന്‍ കയറൂരി വിട്ടിരിക്കുകയാണ്. കൊമാളിത്തരമല്ല ഹാസ്യം എന്ന് അറിയാവുന്നവര്‍ തന്നെ അങ്ങിനെ കാണിക്കരുത്. ഒരു കഥാപാത്രത്തിനും സ്വന്തം വ്യക്തിത്വം ഇല്ല. കോമഡി - ക്ക് വേണ്ടി എന്തൊക്കെയോ കാട്ടിക്കൂട്ടുന്നു. എന്നിരുന്നാലും , തന്‍റെ സ്വതസിദ്ധമായ ടൈമിംഗ് കൊണ്ടു ദിലീപ് മികച്ചു നില്ക്കുന്നു. പാട്ടുകളും ഹൃദ്യം. "കിളിച്ചുണ്ടന്‍" എന്ന് തുടങ്ങുന്ന ഗാനം സിനിമ കഴിഞ്ഞാലും നമ്മുടെ കൂടെ പോരും. ( സിനിമയുടെ അവസാനം അത് ഒന്നുകൂടെ കാണിക്കുന്നത് കൊണ്ടല്ല!) ഗാനശില്പികള്‍ - അലക്സ് പോള്‍ , ശരത് വയലാര്‍.

ഇതിന്‍റെ കൂടെ ഇറങ്ങിയ മറ്റു ചിത്രങ്ങളും വലിയ മെച്ചം ഇല്ലാത്തതു കൊണ്ടു സിനിമ collect ചെയ്യുമായിരിക്കും , പക്ഷെ രാജസേനന്‍റെ സമയം ഇപ്പോഴും ശരിയായിട്ടില്ല. റാഫി-മെക്കാര്‍ട്ടിന്‍ മാര്‍ കുറച്ചുകൂടെ സമയം എടുത്തു തിരക്കഥ എഴുതിയിരുന്നെങ്കില്‍ ഇതു മറ്റൊരു ഹിറ്റ് ആയി മാറുമായിരുന്നു !

കഥ പറയുമ്പോള്‍[ Katha Parayumbol]

Movie : Katha Parayumbol
Director : M.Mohanan

Script : Sreenivasan
Producer : Mukesh, Sreenivasan
Music :M.Jayachandran
Cast : Sreenivasan, Mammootty, Meena

script ശ്രീനിവാസന്‍ എന്ന് കേള്‍ക്കുമ്പോള്‍, സ്വാഭാവികമായും പ്രതീക്ഷകള്‍ വാനോളമായിരിക്കും. ഒരു പക്ഷെ അത് കാരണമായിരിക്കാം, സിനിമ ഇതിലും നന്നാക്കാമായിരുന്നു എന്ന് തോന്നിയത്. എന്നിരുന്നാലും, സമീപകാല മറ്റു ചിത്രങ്ങളെ അപേക്ഷിച്ച്, ഇതു ഒരു പടി മുന്നില്‍ നില്ക്കുന്നു.

മലയാള സിനിമയില്‍നിന്നും നഷ്ടമായിക്കൊണ്ടിരിക്കുന്ന ഗ്രാമീണ പശ്ചാത്തലം ഇതില്‍ കാണാം. പണ്ടത്തെ സത്യന്‍ - ശ്രീനി സിനിമകളെ ഓര്‍മപ്പെടുത്തും വിധം, ബാര്‍ബര്‍ (ശ്രീനിവാസന്‍, ജഗദീഷ് ), ചായക്കടക്കാരന്‍(മാമുക്കോയ), പൊതുശല്യം കവി (സലിം കുമാര്‍), രാഷ്ട്രീയക്കാരന്‍ ഒക്കെ ഉണ്ട് ഈ സിനിമയില്‍, പക്ഷെ പണ്ടത്തെ അത്ര രസിപ്പിക്കുന്നില്ല . എന്നാല്‍ അത്ര മോശമായിട്ടുമില്ല.

മമ്മൂട്ടി ഒരു ഗസ്റ്റ് റോളില്‍ ആണ് അഭിനയിച്ചിരിക്കുന്നത്, അശോക് രാജ് എന്ന സൂപ്പര്‍ സ്റ്റാര്‍ ആയി. അശോക് രാജിനെ അന്ധമായി ആരാധിക്കുന്ന ഒരു പറ്റം ആള്‍ക്കാരുള്ള നാടാണ്‌ "മേലുകാവ്". അങ്ങോട്ട് ഒരു ഷൂട്ടിങ്ങിനു ആയി അദ്ദേഹം എത്തുന്നതും, ബാര്‍ബര്‍ ബാലന്‍ (ശ്രീനിവാസന്‍) അശോക് രാജിന്റെ സുഹൃത്ത് ആണെന്ന് നാട്ടില്‍ പാട്ടാകുന്നതും, തുടര്‍ന്നുള്ള സംഭവങ്ങളും ആണ് കഥ .

സംവിധായകന്‍ R മോഹനന്റെ ആദ്യത്തെ ചിത്രം ആണ് ഇത്. സംവിധായകന്റെ റോള്‍ അദ്ദേഹം മോശമാക്കിയിട്ടില്ല. സുകുമാറിന്റെ ക്യാമറയും excellent. "വ്യത്യസ്ഥനാം ഒരു" എന്ന് തുടങ്ങുന്ന ഗാനം രചന കൊണ്ടും, സംഗീതം കൊണ്ടും മികച്ചു നില്ക്കുന്നു. സംഗീതം നല്‍കിയിരിക്കുന്നത്‌ പി ജയചന്ദ്രന്‍. ഗാന രചന അനില്‍ പനച്ചൂരാന്‍ ആണോ ഗിരീഷ് ആണോ എന്ന് ഉറപ്പില്ല.

അടിയും ഇടിയും ലഹലയും ബഹളവും ഒന്നും ഇല്ലാത്ത ഒരു സാധാരണ ഗ്രാമീണ ചിത്രം .

Rock N Roll [റോക്ക് N റോള്‍]

Movie - Rock ‘n’ Roll
Director - Ranjit
Music - Vidyasagar
Cast - Mohanlal, Lakshmi Rai, Jagathy

ചന്ദ്രമൌലി അന്തര്‍ദേശീയ തലത്തില്‍ അങ്കീകാരമുള്ള ഒരു drummer ആണ്. ചന്ദ്രമൌലി ഒരു ഗായികയുമായി പ്രണയത്തില്‍ ആകുന്നതും ,അവളെ കിട്ടുവാനായി കാട്ടി കൂട്ടുന്ന വിക്രിയകളുമാണ് ഈ സിനിമയുടെ പ്രമേയം.
മോഹന്‍ലാലിന്‍റെ flexible acting ആണ് ഇതിലെ ഒരേ ഒരു plus point. നസ്രാണി കഴിഞ്ഞു രഞ്ജിത്ത് പടച്ചു വിട്ട മറ്റൊരു അബദ്ധം ആയെ ഈ സിനിമയെ കാണാന്‍ പറ്റൂ. ഒരു സ്ക്രിപ്റ്റ് ഇല്ലാതെ എങ്ങനെ ഒരു സിനിമ എടുക്കും !
നായകന്‍ മോഹന്‍ലാലും കഥ-സംവിധാനം രണ്ജിതും ആകുമ്പോള്‍ നായകന്‍ സകലകലാ വല്ലഭനും, ലോകം മൊത്തം സുഹൃത്തുക്കള്‍ ഉള്ളവനും ആയിരിക്കണമല്ലോ...
തലശ്ശേരി ഭാഷയുമായി ജഗതി കസറിയിട്ടുണ്ട്. പിന്നെയും ഒരു പിടി താരങ്ങള്‍ ഇതില്‍ ഉണ്ടെങ്കിലും ആര്‍ക്കും പ്രത്യേകിച്ചൊന്നും ചെയ്യാനില്ല ..നായിക ലക്ഷ്മി റായ് ഗ്ലാമര്‍ ഗേള്‍ ആണ്..പക്ഷെ അഭിനിയം കമ്മി.
വിദ്യാസാഗര്‍ ആണ് സംഗീത സംവിധാനം. ചന്ദമാമ എന്ന ഗാനം കൊള്ളാം. ക്ലൈമാക്സ് ആയി ഒരു പാട്ട് ഉള്ള ചിത്രം എന്നൊക്കെ ആണല്ലോ പരസ്യത്തില്‍ കാണുന്നത്..“song of love, desire, passion and destiny” എന്നൊക്കെ ആണ് അവകാശപ്പെടുന്നതെങ്കിലും , ആ പാട്ട് അത്ര ഏറ്റില്ല...അലി ഭായ് പോലുള്ള ചിത്രങ്ങളും ആയി താരതമ്യം ചെയ്യുമ്പോള്‍ ഈ ചിത്രം അതിലും മികച്ചതാണ് എന്ന് പറയേണ്ടി വരും.

നാല്‌ പെണ്ണുങ്ങള്‍ [Naalu Pennungal]

Movie - Naalu pennungal

Script, Director - Adoor Gopalakrishnan

Story - Thakazhi Sivasankara Pillai

Producer - Benzy Martin,Adoor Gopalakrishnan

Cast - Padmapriya, Geethu Mohandas, Manju Pillai, Nandita Das

തകഴി ശിവശങ്കരപ്പിള്ളയുടെ നാല് ചെറുകഥകളെ ആധാരമാക്കി അടൂര്‍ ഗോപാലകൃഷ്ണന്‍ടെ പുതിയ ഫിലിം ആണ് "നാല്‌ പെണ്ണുങ്ങള്‍ ". സമൂഹത്തിന്‍റെ നാല് തുറകളില്‍ ജീവിക്കുന്ന നാല് വ്യത്യസ്ഥ സ്തീകളുടെ കഥയാണ് ഇത്. കഥ നടക്കുന്നത് 1940 കള്‍ മുതല്‍ 1960 കള്‍ വരെയുള്ള കാലഘട്ടത്തില്‍ ആണ്.കുഞ്ഞു പെണ്ണ് ( പദ്മപ്രിയ) എന്ന വേശ്യ യുടെ കഥയാണ് ആദ്യം. തുടര്‍ന്നു 'കന്യക ' (ഗീതു മോഹന്‍ദാസ്‌ ), 'ചിന്നു അമ്മ' (മന്‍ജൂ പിള്ള), നിത്യ കന്യക ( നന്ദിത ദാസ് ) എന്നീ കഥകള്‍. ഈ നാല് കഥാപാത്രങ്ങളും തമ്മില്‍ നേരിട്ടു ബന്ധം ഒന്നും ഇല്ലെങ്കിലും, നാല് വ്യത്യസ്ഥ അവസ്ഥകളിലുള്ള സ്ത്രീകളുടെ പ്രശ്നങ്ങള്‍ ചിത്രീകരിക്കാനാണ് അടൂര്‍ ശ്രമിച്ചിരിക്കുന്നത്.

അവാര്‍ഡ് ഫിലിം എന്ന് പറഞ്ഞാല്‍ എന്നെ പോലുള്ളവര്‍ക്ക് ദഹിക്കാത്തതു / മനസ്സിലാകാത്തതു എന്നാണ് നിങ്ങളുടെ ധാരണ എങ്കില്‍, നിങ്ങള്‍ ഈ ഫിലിം തീര്‍ച്ചയായും കാണണം. ആ തെറ്റി ധാരണ മാറിക്കിട്ടും. നല്ല സിനിമകളെ പ്രോത്സാഹിപ്പിക്കുന്നവരാകണം നമ്മള്‍ പ്രേക്ഷകര്‍.

അഭിനയിച്ചവരില്‍ എല്ലാവരും നന്നായിട്ടുണ്ട്. എങ്കിലും വേശ്യയുടെ റോള്‍ അഭിനയിച്ച പദ്മപ്രിയ പ്രത്യേക പരാമര്‍ശം അര്‍ഹിക്കുന്നു. പശ്ചാത്തല സംഗീതം ഒരുക്കിയിരിക്കുന്നത് ഐസക് തോമസ് കൊട്ടുകപ്പിള്ളി ആണ്. സിനിമ ആവശ്യപ്പെടുന്ന രീതിയിലുള്ള സംഗീതം നല്കാന്‍ അദ്ദേഹത്തിനു കഴിഞ്ഞിട്ടുണ്ട്. സാധാരണ അടൂര്‍ ചിത്രങ്ങളില്‍ നിന്നും വ്യത്യസ്ഥമായി, ക്യാമറ ചലിപ്പിച്ചിരിക്കുന്നത് മങ്കട രവിവര്‍മക്ക് പകരം M.J. രാധാകൃഷ്ണന്‍ ആണ്.

ബുദ്ധിജീവികളോട് -എലിപ്പത്തായം , സ്വയംവരം തുടങ്ങിയ സിനിമകളുമായി താരതമ്യം ചെയ്യാതെ, ബുദ്ധിജീവി മുഖംമൂടി അഴിച്ചു വച്ചു ഈ സിനിമ കാണൂ. നിങ്ങള്ക്ക് തിര്‍ച്ചയായും ഇഷ്ടപ്പെടും.

സാധാരണ പ്രേക്ഷകരോട് -ഇതൊരു അവാര്ഡ് ഫിലിം ആണെന്ന് കരുതി മാറി നില്‍ക്കാതെ ധൈര്യമായി പോയി കാണൂ.ഇത്തരം നല്ല സിനിമകളെ പ്രോത്സാഹിപ്പിക്കണം.

ചോക്ലേറ്റ് [Chocolate]

Movie - Chocolate
Director - Shafi
Music - Alex Paul
Cast - Pritviraj, Roma, Samvrutha, Remya Nambisan

colourful campus movie.

തുടക്കത്തിലെ background സ്കോര്‍ സിനിമയ്ക്കു ഒരു "classmate" ഹാങ്ങ്‌ ഓവര്‍ ഉണ്ടാകുമോ എന്നൊരു സംശയം ഉണ്ടാക്കി. ഭാഗ്യത്തിന് അതുണ്ടായില്ല. 3000 പെണ്‍കുട്ടികള്‍ പഠിക്കുന്ന കോളേജില്‍ പഠിക്കാനായി ഒരു ചെറുപ്പക്കാരന്‍ എത്തുന്നതും അതിനെത്തുടര്‍ന്ന് കോളേജില്‍ ഉണ്ടാകുന്ന സംഭവങ്ങളും ആണ് പ്രമേയം.

ബോറടിപ്പിക്കാത്ത രീതിയില്‍ കഥ പറയന്‍ സംവിധായകനായ ഷാഫി-ക്ക് കഴിഞ്ഞിട്ടുണ്ട്. ഷാഫി യുടെ സ്ഥിരം ഫോര്‍മുല പോലെ വളരെ വേഗം കഥ പറഞ്ഞു പോകുന്നു. കുറ്റങ്ങളും കുറവുകളും ഉണ്ടെങ്ങിലും, കന്നി സംരംഭം എണ്ണ നിലയില്‍ സച്ചി-സേതു മാര്‍ക്ക് അഭിമാനിക്കാം. ക്ലൈമാക്സ് രംഗം കുറച്ചു കൂടെ ശ്രദ്ധിചിരുന്നെന്കില്‍ നന്നാക്കാമായിരുന്നു.

ആന്‍ മാത്യു എന്ന കഥാ പാത്രത്ത്തോട് റോമ 100% നീതി പുലര്‍ത്തിയിരിക്കുന്നു .മലയാള സിന്മക്ക് കിട്ടിയിരിക്കുന്ന ഒരു നല്ല വാഗ്ദാനം ആണ് താന്‍ എന്ന് റോമ ഒന്നു കൂടെ ഉറപ്പിച്ചിരിക്കുന്നു. എല്ലാ തല്ലുകൊള്ളിത്തരങ്ങളും കൈയ്യിലുള്ള, വിമന്‍സ് കോളേജില്‍ പഠിക്കാന്‍ ധൈര്യം കാണിച്ച ശ്യാം എന്ന റോള്‍ പൃഥ്വിരാജ് ഭംഗി ആക്കിയിട്ടുണ്ട്. ജയസുര്യ ക്ക് പ്രത്യേകിച്ചൊന്നും ചെയ്യാനില്ല ഈ സിനിമയില്‍.എടുത്തു പറയേണ്ട മറ്റൊരു നടന്‍ സലിം കുമാര്‍ ആണ്.തീയറ്ററില്‍ ചിരി പടര്‍ത്താന്‍ സലിം കുമാറിനു കഴിയുന്നുണ്ട്‌.

പാട്ടുകള്‍ പലപ്പോഴും ആസ്ഥാനതതായിപ്പോയി. എന്നിരുന്നാലും മൊത്തത്തില്‍ ഒരു watchable movie എന്ന ഗണത്തില്‍ ഈ ഫിലിം നെ ഉള്‍പെടുത്താം .

നസ്രാണി[Nazrani]

Movie - Nasrani

Director - Joshy

Script -Ranjith

Cast - Mammootty, Mani, Vimala, Lalu Alex, Bharath Gopi

മമ്മൂട്ടി ഫാന്‍സ്‌ നു വേണ്ടി മാത്രം ഒരു സിനിമ. ചുരുക്കത്തില്‍ 'നസ്രാണി' യെ പറ്റി അങ്ങിനെ പറയാം. ഈ സിനിമ ഷൂട്ട്‌ ചെയ്തു തുടങ്ങുമ്പോള്‍ മമ്മൂട്ടി യുടെ ഡേറ്റും 'നസ്രാണി' എന്ന ടൈറ്റില്‍-ഉം മാത്രമെ അവരുടെ കൈയ്യില്‍ ഉണ്ടയിക്കാനൂ. ബാക്കി കഥ എല്ലാം സൗകര്യം പോലെ എഴുതി ചേര്‍ത്തത്‌ ആയിരിക്കും. അതാണ് ഈ ചിത്രത്തില്‍ ഇത്രയധികം guest appearence.

മമ്മൂട്ടി അവതരിപ്പിക്കുന്ന കഥാപാത്രം - David John Kottarathil. ചുരുക്കത്തില്‍ DK എന്ന് വിളിക്കും. ആദ്യാവസാനം DK യുടെ one man show ആണ്. ബാക്കി എല്ലാ കഥാ പാത്രങ്ങളും വെറും സുപ്പോര്‍തിവേ കഥപാത്രങ്ങള്‍. DK ക്ക് സ്ഥലം എസ്സ്.പ യെ തെറി വിളിയ്ക്കാം, തന്തയുടെ പ്രായമുള്ള രാഷ്ട്രീയ നേതാക്കളെ തല്ലാം, judge നെ ഭീഷണിപ്പെടുത്തി ജാമ്യം വാങ്ങിക്കാം, നിയമം ലങ്ഘിക്കാം അങ്ങിനെ എന്തും ചെയ്യാം. സിനിമയില്‍ അങ്ങിനെ എന്തെല്ലാം നടക്കും..അല്ലെ?രഞ്ജിത്ത് നു നന്ദനം, മിഴി രണ്ടിലും, കൈയ്യൊപ്പ് തുടങ്ങിയ നല്ലത് എണ്ണ ഗാനത്തില്‍ പെടുത്താവുന്ന സിനിമയും രാവണ പ്രഭു, പ്രജാപതി ത്ടങ്ങിയ തല്ലിപ്പൊളി സിനിമകളും എടുക്കാന്‍ അറിയാം എന്ന് നമ്മള്‍ കണ്ടതാണല്ലോ...ഇതിനെ രണ്ടാമത്തെ ഗണത്തില്‍ കൂട്ടാം. പഴയ കാല രാഷ്ട്രീയ സിനിമകളുടെ ഒരു പുതിയ പതിപ്പ്. സമകാലീന രാഷ്ട്രീയ സംഭവങ്ങള്‍ ഒക്കെ ഉള്കൊള്ളിക്കാന്‍ ശ്രമിച്ചിട്ടുണ്ട്. തെറ്റു പറയരുതല്ലോ...വേണ്ടിടത്തും വേണ്ടാതിടത്തും മദ്യപിക്കുന്ന scenes ഉള്പെടുത്തിയിട്ടുണ്ട്‌. മദ്യപാനം ഇല്ലാത്ത Scenes കുറവാണു എന്ന് തന്നെ പറയാം.

വിജയ രാഘവന്‍ നന്നായിട്ടുണ്ട്. ചെറിയ റോള്‍ ആണെങ്കിലും അദ്ദേഹം അത് ഭംഗി ആക്കിയിരിക്കുന്നു. ലൊക്കേഷന്‍-ടെ ഭംഗി നന്നായി ഒപ്പിയെടുക്കാന്‍ ക്യാമറമാന്‍ നു കഴിഞ്ഞിരിക്കുന്നു. പാട്ടുകളുടെ കാര്യം പറയാതിരിക്കുകയാണ് ഭേദം. അല്ലെങ്ങിലും പാട്ടുകള്‍ക്കും ചിത്രത്തിന്റെ നിലവാരം മാത്രമെ പ്രതീക്ഷിക്കാന്‍ പടുല്ലുവല്ലോ!.